PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Bepolah Mesjid di Tambak Rel Tenggarong

Bahasa Kutai    5 tahun yang lalu   
   1257 Kali

Sumber Foto:

TENGGARONG - Plt Sekretaris Daerah Kabupaten Kutai Kartanegara busu  Ir H Marli M.Si, hari Sabtu (26/9) minggu kemai  ngandak / peletakan batu pertama endak bepolah  Mesjid Baiturrahman Tambak Rel Kelurahan Baru, Tenggarong.  

Ngandak  batu pertama bepolah mesjid Baiturrahman  ne jua dirangkai ngan nyembeleh  hewan qurban ngan mbagikan daging korban tegak sapi ngan bembek ke sida warga  kaum du'afah nya ada dilingkungan tambak rel situ. 

Ada 5 ekor sapi ngan 2 ekor bembek nya di sembeleh leh busu Habib Abdul Kadir Al Hasri, sapi ngan bembek tu iya hak hasel dari dana dermawan sida urang tambak rel ntuk di qorbankan di hari raya Idul Adha 1436 H. 

Rencana  endak  bepolah  masjid  Baiturrahman nya di polah seluas 595 M2, ngan lebar 17 meter, panjang 35 meter  iya hak tanah wakaf sida busu Suprianto sida urang tambak rel situ jua. Habis tu sida embok Hj Nurhayati mewakafkan pitis sebesar 75 juta ntuk dana awal mbangun masjid tu. 

Busu H Marli ne nyebut lamun Pemerintah Daerah nyambut baik mbangun masjid ne karna kepedulian sida urang-urang nya di tambak rel bujur-bujur tinggi.” Karna tanah nya endak di polahkan ke masjid ne iya hak sumberdana dari sida warga sini nya endak mberikan ngan ikhlas dah mewakafkan separo rejekinya.” Ujenya. 

Busu tu jua beharap supaya siskamling ngan ronda malam dupaya di adakan balik supaya njaga keamanan ngan ncegah  tindak kejahatan nya ada di kampong etam ne.

Selain tu jua nya nghimbau supya sida sini tetap waspada ngan bahaya kebakaran, baik nya hubungan arus pendak, kompor, tabung gas, sampai betunu sampah harus jua etam behati-hati jua, pa lagi ngan cuaca nya panas tegak ne marna musim kemarau.” Bunyi busu tu jua.

Ada jua umpat datang di acara tu sida Anggota DPRD Kaltim busu Ali Hamdi, Lurah Baru busu husaini, Ketua Rt busu Syafaruddin, ngan Ketua Panitia busu Joko Saputro, ngan tokoh agama tokoh masyarakat. (HMS.DI.04)

 


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini86 pengunjung
Minggu Ini1.102 pengunjung
Bulan Ini4.787 pengunjung
Total Pengunjung75.379 pengunjung
Total Klik1.979.035 Kali