TENGGARONG – Wakil Bupati (Wabup) Kutai Kartanegara (Kukar)busu Edi Damansyah ngadakan buka puasa bersama ngan bubuhan sida Lembaga Pengkajian Tilawatil Quran (LPTQ) Kukar,pas hari Jumat (24/6) di Pendopo Wakil Bupati, Tenggarong. Di situ ada jua sida, Ketua Baznas Provinsi Kaltim busu DR H Fachrur Gozy MA, Asisten I Setkab Kukar busu H Chairil Anwar, Kementerian Agama Kukar, Polres Kukar Ketua Majelis Ulama Indonesia (MUI) Kukar, Ketua ng sida  jajaran Baznas Kukar, ngan segala  jajaran LPTQ Kukar, Panitia MTQ ke-38 Tingkat Provinsi Kaltim, Tokoh Agama, masyarakat.

Di sambutannya busu Edi Damansyah nyampaikan apresiasinya ke sida segalanya nya dah datang ke acara tu. Bunyi leh busu tu jua, kegiatan buka bersama ne berempu dua makna, nya pertama ke kontek ngerjaikan ajaran ngan perintah agama iya hak bisa dimaknai sebagai bentuk ketaatan ngan totalitas dalam njalankan perintah agama, nya utama ngerjaikan ibadah secara vertikal antara manusia ngan tuhannya.

Nya kedua, ngembangkan jalinan silaturahmi supaya mpererat rasa kekeluargaan, persaudaraan ngan persahabatan di bingkai ukhuwah islamiyah. “Alhamdulillah, buka puasa ne jua sebagai salah satu cara etam mpererat jalinan silaturahmi dalam bingkai ukhwah islamiyah,” ujenya.

Busu Edi jua besyukur, Kutai Kartanegara pas tanggal 20-28 Mei bulan kemai tu dah jadi tuan rumah  MTQ ke-38 tingkat Provinsi Kaltim. “biarnya secara prestasi etam maseh ada di peringkat ke-4, hal ne pastinya jadi bahan evaluasi ngan tantangan etam, supaya kemukanya ne kendia lebeh fokus didalam pembinaan Al-Quran khususnya ntuk sida jajaran LPTQ Kutai Kartanegara,” bunyinya ge

busu tu mberikan apresiasi ke bubuhan sida segala LPTQ ngan kepanitiaan MTQ ke-38 Provinsi nya  dah ngemban amanah ngan penoh tanggungjawab ngan dedikasi tinggi dalam nyukseskan agenda tu. “Semoga apa nya dah etam polah tu jadi manfaat ngan benilai ibadah ntuk etam segalanya, Amin,” ujenya busu  Edi.

Busu Edi tetap ngharapkan fungsi ngan peran aktual keberadaan LPTQ Kukar, mandiknya sekedar nerusikan apa nya dah ada maha, tapi LPTQ jua harus sanggup melahirkan ide nya signifikan ngan inovasi baru ntuk mbina ngan nerusikan bemacam-macam terkait pengkajian tilawatil quran tegak  pola pembinaan di usia dini, bejenjang ngan bekesinambungan. “LPTQ perlu ngerjaikan pembenahan ngan perbaikan nya orientasinya mandik semata-mata ntuk umpat di dalam MTQ atau STQ maha, tapi lebeh  ningkatikan pendidikan Al-Quran secara keseluruhan,” ujenya. Buka puasa tu jua dirangkai ngan Tauziah nya disampaikan leh busu DR H Fachrur Rozy, pas endak parak buka diteruskan  ngan doa ngan zikir . (HMS.DI.04)