TENGGARONG - Bupati Kutai Kartanegara (Kukar) busu Edi Damansyah meresmikan lumbung pangan, pintu air, ngan sarana pertanian Kombine Harvester milik Gabungan Kelompok Tani (Gapoktan) Langgeng di Desa Manunggal Daya Kecamatan Sebulu, akhir minggu tadi.

Busu Edi Damansyah nyebut lamun lumbung pangan, pintu air, kombine harvester ngan tulungan sarana produksi pertanian lainnya nya diresmikan tu iyahak usaha keseriusan sida pemerintah ke petani supaya terus tuyung kualitas sida petani Kukar dalam ningkatikan kesejahteraan.

“Segalanya ne iyahak prioritas pemerintah supaya terus beusaha tuyung peningkatan ngan kesejahteraan sida petani, salah satu langkah-angkah inovasi strategis tu dikerjaikannya ngan menohi kebutuhan nya diperlukan leh sida petani,” uje leh busu Edi Damansyah.

Busu Edi ngharapkan fasilitas tu bisa dipakai sebaik-baiknya ntuk kepentingan masyarakat, ngan masyarakat bujur-bujur harus merasakan manfaatnya ngan adanya lumbung pangan tu.

Sementara tu lamun Kepala Desa Manunggal Daya busu Suyanto nyebut lumbung pangan  dipolah lewat alokasi dana desa Manunggal Daya ntuk nampung gabahnya sorang, ngan njaga ketersediaan pangan, ntuk njaga stabilitas harga.

Busu Suyanto habistu ngharapkan apa nya dah dikerjaikan pemerintah, jangan berenti, tapi terus belanjut, tetap jua terus mperhatikan ngan memotivasi kelompok tani khususnya ntuk ningkatikan kesejahteraan masyarakat.

Peresmian ditandai ngan motok pita. habis peresmian diteruskan ngan diskusi antar pemerintah daerah ngan masyarakat, tujuan diskusi iyahak tuk melihati, mengevaluasi, ngan terus tuyung peningkatan ngan memakmurkan masyarakat di Kukar.(Kompim04-dokpim02)