TENGGARONG - Kepala Sub Bagian Informasi Bagian Protokol dan Komunikasi Publik, Sekretariat Kabupaten Kutai Kartanegara (Kukar) busu Joni Ringgo, endak organiasasi perangkat daerah nya dipimpinnya terus beprestasi. "kemukakne, saya endak Sub Bagian ne lebeh maju, ngan terus beprestasi," uje busu Joni, pas acara serah terima jabatan Kasubbag Informasi, Kamis (19/1). 

Makanya hak tu, busu Joni ngharapkan dukungan sida staf supaya ncapai hal tu. Nya jua endak tepolahnya suasana lebeh harmonis, penoh rasa kebersamaan, ngan saling besinergi. "Saya harap kawan-kawan staf, Kasubbag ngan Kabag pastinya bisa mberikan masukan ntuk saya dalam njalankan amanah ne," uje ngharap. 

Ntuk ditahui, busu Joni sebelumnya ada di bagian Umum Setkab Kukar ngan dipercaya jadi ajudan Bupati mbok Rita Widyasari. wayahne, tulak pelantikan pejabat struktural awal Januari tadi, busu tu ndapati amanah nggantikan posisi busu Ahmad Rianto jadi Kasubbag Informasi. Busu Ahmad Rianto wayah ne dipercaya jadi Kepala Bidang Komunikasi Publik di Diskominfo dan Statistik. Sementara busu  Ahmad Rianto betrimakaseh ngan atas kepercayaan nya dah diberikan selawasan nya bekarya di Bagian Humas ngan Protokol atau wayah ne jua dah jadi Protokol ngan Komunikasi Publik. "Terimakaseh kepada staf ngan Kabag nya dah nulungi saya njalankan amanah disini," ujenya. 

Sementara Kabag Protokol ngan Komunikasi Publik busu Dafip Haryanto ngucapakan selamat begabung ke busu Joni, ngan selamat betugas diodah nya baru ntuk busu Rianto. Busu Dafip endak kerjasama ngan komunikasi tetap tebangun ngan kokoh. "Jalin koordinasi antar Sub Bagian, usahakan prestasi etam selawasan ne yahak laporan keuangan ngan kinerja supaya tetap baik ngan terus cepat ngan tepat waktu," bunyinya ge.  

Lamunnya Asisten III busu H Suriansyah ngingatikan mun Bagian Protokol ngan Komunikasi Publik jadi organiasai perangkat daerah nya mberikan pelayanan terhadap pimpinan ngan mberikan informasi kegiatan pembangunan ke sida masyarakat. "Maka bagian Protokol ngan Komunikasi Publik harus jadi nya tebaik dalam segala hal, karna terus dilihat," mittu ujenya. Acara tu jua ditandai ngan nandatangani ngan mberikan berita acara serah terima jabatan, leh busu Joni ngan busu Ahmad Rianto. (PK.04-mesi02)