PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Busu Marli Negasi ASN Harus Tes Urin

Bahasa Kutai    4 tahun yang lalu   
   648 Kali

Sumber Foto: Sekda Kukar busu H Marli pas jadi pembina apel di lingkungan Dinas Pendidikan Kukar.

TENGGARONG – Sekretaris Daerah (Sekda) Kutai Kartanegara (Kukar) busu H Marli ngingatikan  ke Aparatur Sipil Negara (ASN) di lingkungan Dinas Pendidikan (Disdik) Kukar supaya mandik makan narkotika ngan obat-obatan terlang (narkoba). "Pemkab. Kukar dah bekomitmen supaya melawan peredaran narkoba di daerah ne ngan pabila ada nya positif makan ngan minum narkoba maka endak ditindak tegas,“ uje busu H Marli pas sida mimpin apel hambat di lingkungan Disdik Kukar, Senen (7/11).

 
Menurut leh busu Marli, kasus narkoba wayah ne dah makin parah, masalahnya barang haram tu dah tama ke segala kalangan, mandiknya tu makan leh urang tuha maha, tapi jua dikonsumsi leh kanak dibawah umur. Sebagai usaha mbersehkan ASN Kukar dari narkoba, nya mintak supaya segala SKPD supaya ngerjaikan tes urin, mandik tekecuali ntuk sida karyawan di lingkungan Disdik. Hal tu menurutnya sebagai langkah positif dalam merangi narkoba.
 
“Saya mintak test urin di Disdik bisa behancapan dikerjai,  ntuk melihat apakah staf Disdik ada nya telibat narkoba. Saya mandik endak staf Disdik nya betugas melayani urang terdidik, malah tejerumus ke narkoba,” uje busu Marli
 
nya jua mintak ke sida Kepala Disdik Kukar supaya lebeh intens dalam molah pembinaan ngan ngidentifikasi ke segala bawahannya,  terutama terhadap bawahannya nya berempu indikasi terhadap penyalahgunaan narkoba. “Saya beharap kasus narkoba nya pernah njerat oknum guru brapa waktu nya lalu mandik teulang balik,” bunyi busu Marli
 
Selain masalah narkoba, busu H Marli jua ngingatikan endak pentingnya peningkatan disiplin, mandiknya disiplin dalam bekerja maha, tapi jua disiplin dalam penghematan. Nya jua mintak Pejabat Pelaksana Teknis Kegiatan (PPTK) di lingkungan Disdik supaya molah laporan pertanggungjawaban kegiatan tepat waktu ngan bisa dipertanggungjawabkan sesuai ngan peraturan nya ada. “Matikan peralatan elektronik sebelum mulang, selain ntuk efisiensi jua demi nghindari konseleting listrik nya bisa nimbulkan bahaya kebakaran,“ uje su Marli ge. (HMS.DI.04).


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini189 pengunjung
Minggu Ini1.902 pengunjung
Bulan Ini6.372 pengunjung
Total Pengunjung110.255 pengunjung
Total Klik2.881.427 Kali