PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Dua Sekolah Di Polah Australia Dah 80 Persen

Bahasa Kutai    5 tahun yang lalu   
   735 Kali

Sumber Foto:

TENGGARONG- Perkembangan bangunan SMP 6 ngan SMP 10 di Kutai Kartanegara leh Australia wayah ne dah 80 persen. Hal ne disampaikan leh Kabid Pendidikan Menengah Dinas Pendidikan (Disdik) Kukar busu Tulus Sutopo kemai, (20/1/2016).

"Wayah ne kerjaan dah 80 persen, etam doakan besama sama supaya sekolahanne pupus pas wayah nya ngan behancapan dipakai leh sida murid-murid," Uje busu Tulus.

Nya jua nyebutkan, di akhir bulan ne sida tim Konsultan Jendral Australia ngan Kementrian endak datang ke Kukar melihati  kedua sekolahan tu. "Kendia pas sida tim dari Ausrtalia ngan Kementrian datang ke Kukar kami  harap supaya sekolahan ne dah pupus 100 persen lamun mandik ada halangan," ujenya ge. 

Dari hasel inspeksi mendadak (sidak) sida Komisi IV ngan sida Disdik Kukar ke Desa Jongkang, Kecamatan Tenggarong Seberang, belum lawas ne, sida mengapresiasi dah pupusnya bangunan dua sekolah nya dipolah leh  Australia.  Bangunan nya dipolah bujur-bujur baik beneh ngan diproyeksikan endak jadi rujukan ntuk dinas terkait pas endak embangun gedung sekolah nya bekualitas.

“Ngan nggunakan anggaran Rp3,2 mililar maha, SMP 6 ngan SMP 10 dah bisa berdiri megah ngan bubuhan  sida  siswa tinggal nggunakan maha lagi, karna dah lengkap ngan meja jua kursinya,” bunyi leh  anggota Komisi IV,embok Dayang Marisa, Selasa (19/1).

Politisi Partai Amanat Nasional (PAN) ne njelaskan, lamun melihat fenomena bantuan nya diberikan ngan dilihat dari sisi azas manfaat, maka bujur-bujur bemanfaat  beneg ntuk Kukar, karna pendanaan bepolah gedung sekolah tu mandik besumber dari APBD atau APBN.(HMS.DI.04)


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini25 pengunjung
Minggu Ini1.041 pengunjung
Bulan Ini4.726 pengunjung
Total Pengunjung75.318 pengunjung
Total Klik1.977.925 Kali