PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Hulu Mahakam Jembatan Martapura Mberi Berkah

Bahasa Kutai    5 tahun yang lalu   
   1714 Kali

Sumber Foto:

TENGGARONG – Ntuk perlancara transportasi nya ada Di Hulu Mahakam supaya perekonomian kesejahteraan  masyarakat nya lebeh baik, wayah ne dah tebukti tulak tepolahnya Jembatan Martadipura nya ada di Kecamatan Kota Bangun Kabupaten Kutai Kartanegara. Jembatan nya nghubungkan 5 Kecamatan tegak TabangKembang JanggutKenohanMuara Wis, ngan Muara Muntai ne bujur-bujur mberi berkah ke sida warga nya ada di situ. 

Sida  embok ngan busu  ngampar jualan di pinggir jalan Jembatan Martadipura nya  panjangnya ncapai 15,3 kilometer, karna banyak oto terak singgah ntuk makan ngan minum kopi sebelum neruskan jalan ke odah nya sida tuju. Belum lagi  transfortasi tegak  oto bis bekeseluran lewat di situ ngangkit penumpang dari Kecamatan tabang nuju ke Tenggarong ngan Samarinda. Padahal  baru waktu brapa bulannya lalu  maseh makai kapal nyusuri  aer mahakam behari hari baru sampai lamun dari ke Kecamatan Kota Bangun, Kembang Janggut ngan Tabang nuju ke Tenggarong ngan Samarinda, mbawak hasel pertanian ngan jukut hasel tangkapan sida ntuk dijual. 

Wayah ne ngan adanya  Jembatan nya diresmikan leh Menteri Dalam Negeri RI, HM Maruf, SE  tanggal 6 Maret 2006 nya lalu tu hak molah kanak-kanak nya besekolah di Kec.Kota Bangun dah mandik lagi nyeberang  makai ces nya bisa nempoh waktu 2 jaman ngan nyusuri Danau Melintang, wayah ne jaraktu dah jadi 40 menitan maha nuju ke Kahala.“uje leh busu Imam urang Kahala ne jua.

Mun  jalan darat ne dah di cor jalan Kota Bangun nuju ke Kahala  jadi 25 menitan maha lagi. Lamun nuju ke Tabang kecamatan nya paling ujungnya Kutai Kartanegara ne kurang lebeh 4(empat) jaman. Banyak nya besyukur ngan adanya Jembatan Martadipura ne karna urang-urang nya ada di pedalaman Hulu Mahakam ne dah bisa jalan makai motor sida nuju ke rumah keluarga sida ngan cepat, pa lagi dulu transportasi bujur-bujur mahal beneh karna makai ces atau kapal, lamun dari Tabang  nuju ke Kota Bangun ngeluarkan biaya Jutaan Rupiah, apa lagi sampai ke Tenggarong. Keadaan tegak tu dah mandik ada lagi, ngan Jembatan tu molah sida masyarakat nya di hulu tu  nikmati beneh ngan kenyamanan apa nya dah di berikan leh sida Pemerintah Kabupaten Kukar.(HMS.DI.04)


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini25 pengunjung
Minggu Ini1.041 pengunjung
Bulan Ini4.726 pengunjung
Total Pengunjung75.318 pengunjung
Total Klik1.977.810 Kali