TENGGARONG – Busu Edi Damansyah Bupati Kutai Kartanegara (Kukar) mimpin apel gelar pasukan di rangka kesiapan ngan antisipasi bencana alam, kebakaran hutan ngan lahan (Karhutla) di wilayah Kukar tahun 2020 dihalaman Polres Kukar, minggu tadi.

Apel nya diumpati sida pasukan dari Polres Kukar,  Kodim 0906 Tenggarong, Badan Penanggulangan Bencana Daerah (BPBD) Kukar, Satpol PP Kukar, Dinas Perhubungan Kukar ngan jua brapa organisasi masyarakat ngan pelajar.  Dimulai ngan pemeriksaan kelengkapan peralatan sarana prasarana penunjang penanganan bencana ngan Karhutla, ngan  posko darurat penanggulangan korban bencana nya tediri dari tegak posko kesehatan, posko evakuasi, posko dapur lapangan ngan Pos Komando Taktis terpadu.

Pas pemeriksaan tu, Busu Edi Damansyah didengani Kapolres Kukar AKBP busu Andrias Susanto, Dandim 0906 Tenggarong Letkol Inf  busu Charles Alling.

Disambutannya Kapolda Kaltim Inspektur Jendral Muktiono nya di bacakan leh Bupati Kukar, nyebutkan lamun apel nya diadakan pasukan tu betujuan endak mantapkan ngan nyiapsiagakan selgala personil gabungan nya telibat di penanggulangan ngan penanganan bencana alam.

bunyinya lagi busu Muktiono beharap ngkan dah diadakannya apel gelar pasukan tu, kemukakne penanganan ngan kerjasama antar intansi ngan stakeholder tekait bisa ditindak lanjuti ngan aksi nyata di lapangan, supaya bisa bemanfaat ntuk sida masyarakat.

Sida beharap, segala personil ne bisa nginformasikan ke segala sida masyarakat supaya bisa besama-sama beusaha ncegah ngan meminimalisir tejadinya potensi bencana ngan dampak buruk nya ditimbulkan.

Ditahui, habis kegiatan apel tu diterusikan ngan Focus Group Discussion (FGD) di rangka mematang program pencegahan ngan penanganan bencana alam ngan karhutla di Kukar leh segala stakeholder tekait.(kompim04-Dokpim-08).