PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Pertandingan Jukut Cupang Hias Di Planetarium

Bahasa Kutai    5 tahun yang lalu   
   1115 Kali

Sumber Foto:

TENGGARONG – Mandik lawas lagi sida  komunitas Pencinta Jukut Cupang Hias (Pechi) Tenggarong endak ngadakan  pertandingan nya betajuk “Tenggarong Betta Contes IV” di Halaman Planetarium Jagad RayaTenggarong Kutai Kartanegara. Kontes nya endak diadakan  sida dua harian tu tulak tanggal  23-24 Januari 2015. Karna ada  ratusan ekor jukut cupang bemacam  jenis nya ngumpati pertandingan ne.

Busu Agung Setiawan nya selaku wakil ketua bekesah, acara sida ne bekerjasama ngan sida Dinas Kelautan ngan Perikanan (DKP) Kukar. “wayah ne dah tecatat ada ratusan ekor jukut nya tedaftar. Target kami  sebanyak 300 ekor jukut nya ngumpati pertandingan ne kendia,” uje leh busu Agung. 

Bunyinya jua, Lamun peserta nya umpat ada dari Balikpapan, Tenggarong ngan Samarinda. “Ada jua peserta dari luar daerah tegak  Jawa ngan Sumatera, tapi sida ngirimkan jukutnya maha.

Bunyinya lagi, ada brapa jenis jukut cupang hias nya ngumpati lomba ne tegak ,halfmoon, plakat, crowntail (serit) ngan giant. Ada 15 kategori kelas nya dilombakan dalam acara ne. sida peserta kawa ngumpati bemacam  kategori.  “ne acara nya keempat di Kukar,” ujenya. 

Nya nyebut, penilaian pemenang dilihat dari keindahannya, ukuran sirip, warna, mental, ngan bentuk segalanya, sanpai ke  ukurannya. Selain tu jua, dilihati dari respons jukut tu, iya hak naluri emosi jukut pas ndapati aksi dari luar. Ada brapa macam jukut cupang nya mandik peka pas ada interaksi datang ngan brapa nya peka. Ne jadi penilaian sorang ntuk sida juri.

Total hadiah nya dah disiapkan  dari sida panitia sebesar Rp 10juta. Selain pitis tunai, panitia jua dah nyiapkan brapa buting Doorprize nya endak  diundi di tibang kontes. “Kupon undian endak diberikan sesuai ngan jumlah jukut nya endak didaftarkan. Total hadiah ncapai Rp 10 juta,” ujenya nambahi.

Lamun ada nya endak ndaftarkan jukut cupangnya di pertandingan kali ne bisa datang langsung ke Jalan AM Sangaji/Kampung Baru (Warnet Yihaa) atau lewat BlackBerry Massanger (BBM) di 583975EF ngan telepon 0852 4651 5667. “Pendaftaran endak di tutup tanggal 22 Januari pukul 18.00 Wita,” bunyinya jua njelaskan. (HMS.DI.04)

 


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini25 pengunjung
Minggu Ini1.041 pengunjung
Bulan Ini4.726 pengunjung
Total Pengunjung75.318 pengunjung
Total Klik1.977.881 Kali