TENGGARONG – Bangunan Kantor Desa Bakungan Kecamatan Loa Janan nya jua tulungan dari  program Corporate Sosial Responsibilty (CSR) sida PT Indo Perkasa diberikan leh  Direksi PT Indo Perkasa Irfan ke Kades Bakungan busu Amrizal di Halaman Kantor Desa Bakungan Kecamatan Loa Janan. Rabu (11/01 ). 

Sida mberikan tu ditandai ngan nadatangani prasasti,  serah terima kunci, ngan jua motok pita leh Wakil Bupati Kutai Kartanegara (Kukar) busu Edi Damansyah. Bangunan nya diberikan tu beukuran 12 meter  x 8 meter ngan kontruksi beton nghabiskan pitis kurang lebeh Rp 300 juta. 

Wabup Kukar busu Edi Damansyah di arahannya nyebut apa nya dah dikerjaikan leh PT Indo Perkasa ne nunjukan besarnya komitmen dunia usaha ntuk bekontribusi ngan nyata diproses pembangunan di Kabupaten Kukar, palagi nya dikerjaikan ne yahk penyediaan sarana ngan prasarana publik nya jadi kebutuhan dasar masyarakat, sesuai ngan tanggungjawab sosial perusahanan dimana perusahaan tu beroperasi. 

 “Saya ngapresiasi ngan mberikan penghargaan setinggi-tinggi ke manajemen PT Indo Perkasa ngan segenap jajaran pemerintahan Desa Bakungan nya sanggup bekolaborasi dalam pembangunan, ” uje busu Edi Damansyah. Menurut leh busu tu jua wayah ne sida masyarakat bujur beharap ngan adanya peningkatan ngan kualitas pelayanan public, lamunnya anggaran pembiayaan pembangunan khususnya sarana pelayanan publik nya besumber dari pemerintah terus turun. 

“Saya ngingatikan  pemerintah setingkat desa supaya bisa lebeh cerdas amun ngerjaikan perencanaan ngan netapkan prioritas pembangunan, ngan jua sanggup nggali sumber lainnya salah satunya tu ngan lewat penguatan kemitraan ngan kolaborasi kalangan dunia usaha nya beoperasi diparak  wilayahnya jua, “ Uje busu Edi. 

Di kesempatan tu, busu Edi Damansyah beharap supaya aparat Desa Bakungan bisa merawat ngan baik tulungan nyadah di berikan, ngan jadikannya semangat ntuk ningkatkan kualitas ngan  pelayanan ke masyarakat desa. “Terus berinovasi ngan berikan pelayanan tebaik ke sida masyarakat, jangan kecewakan rakyat. bekerjahak ngan hati, hati-hati,  ngan jua jangan sesuka hati, “ bunyi leh su Edi Damansyah lagi ( PK.04- Mesi 04/ betty ).