PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Sida Pukesmas Mangkurawang, Di HUT PPNI Ngadakan Kerja Bakti

Bahasa Kutai    5 tahun yang lalu   
   863 Kali

Sumber Foto:

TENGGARONG – Mperingati hari jadi Persatuan Perawat Nasional Indonesia (PPNI) nya ke 42 tahun, Komisariat Pukesmas Mangkurawang ngadakan  Bhakti sosial ngan jua sekalian sida ngadakan  penyuluhan Narkoba di ke  lima sekolahan. Kegiatan nya di adakan sida selawasan tiga harian ne tulak  31 Maret  sampai hingga 2 April.

Leh Pembina PPNI Pukesmas Mangkurawang busu Yusuf Ridwan bekesah ngenai HUT sida ne baru pertama kalinya sida merayakannya. Bubuhannya ngadakan senam besama ngan terus dilanjutkan ngan beberseh berseh di lingkungan  Puskesmas Mangkurawang ngan di Pasar Gerbang Raja Mangkurawang.

Di beberseh tu ada jua busu  Wakil Ketua DPRD busu  Rudiansyah nya jua sekalinya pelopor Gerakan Etam Beberseh, Lurah Mangkurawang ngan sida warga nya ada parak situ. “Etam polah aksi bersih-bersih supaya jadi  contoh nyata ntuk sida masyarakat nya ada di sini, pentingnya etam njaga kebersehan ngan mandik mbuang sampah sembarangan, karna kendia  bedampak buruk ke lingkungan,” ujenya ge.

Selain tu jua  sida nya bejualan di pasar mangkurawang  mandik ketinggalan umpat jua beberseh berseh nya di adakan sida puskesmas Mangkurawang. Sampai-sampai di hari tu jua sida  petugas kepolisian dari Sat Resnarkoba Polres Kukar  ngerjaikan kampanye Berantas Sindikat Narkoba (Bersinar) 2016.

Busu Yusuf jua nyebut, lamun di puncaknya Hari ini (2/4) endak dikerjai lagi  Bhakti sosial tegak Donor Darah nya endak diadakan di Puskesmas Mangkurawang. “Kami beharap ngan kegiatan nya  kami polah ne, supaya lebeh nahui  peran PPNI di masyarakat. Karna selawasan ne kami belum belum banyaknya nahui, ngan  kegiatan ne jua  kami jadi dampak positif  ntuk  lingkungan sekitar,” ujenya nyambok.

Mandiknya tu maha, sebelumnya PPNI Puskesmas Mangkurawang jua ngadakan  sosialisasi  dampak negatif narkoba di ke lima sekolahan. Kelima sekolahan tu tegak, SDN 04 Tenggarong, SMPN 2 Tenggarong, SMPN 4 Tenggarong, ngan SMPN 6 Tenggarong. (HMS.DI.04)


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini95 pengunjung
Minggu Ini1.457 pengunjung
Bulan Ini5.522 pengunjung
Total Pengunjung103.596 pengunjung
Total Klik2.725.273 Kali