PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Silaturahmi Pelepasan ASN Bapemas Ngan Pemdes Kukar

Bahasa Kutai    4 tahun yang lalu   
   579 Kali

Sumber Foto: Sekda Kukar busu H. Marli pas mberikan cinderamata ke Kepala Bapemas ngan Pemdes busu Syamsie Juhrie nya dah namai ke masa pensiun.

TENGGARONG - Ada 7 (tujuh) urang Aparatur Sipil Negara (ASN)  Badan Pemberdayaan Masyarakat ngan Pemerintahan Desa (Bapemas dan Pemdes) Kutai Kartanegara (Kukar) namai ke masa purna tugas (pensiun). Silaturahmi ngan pelepasan purna tugas ASN Bapemas ngan Pemdes Kukar didatangi leh  Sekretaris Daerah (Sekda) Kukar busu H. Marli, Asisten I Setkab. Kukar busu H. Chairil Anwar, Kepala Bagian Administrasi Pemerintahan busu H Sunggono di Aula Bapemas Pemdes Kukar, Senen (31/10).

Busu Marli nyebutkan selamat ke sida 7 urang nya dah namai masa purna tugas.  "Pemkab Kukar mberikan apresiasi ngan penghargaan ke sida embok ngan busu nya dah namai ke masa purna tugas ngan saya beharap ke kader kader nya ada di Bapemas ngan Pemdes supaya bisa ncontoh ngan neruskan perjuangan sida," uje busu Marli.

Busu tu nambahi, biarnya dah namai ke masa purna tugas, tapi hubungan silaturahmi ngan karyawan karyawati Bapemas ngan Pemdes tetap dijaga. Su Marli jua bepesan, ntuk ASN nya maseh aktif supaya terus bekerja ngan baik ngan jua njaga jua ningkatkan kondisi nya dah dibentuk leh kekawanan nya dah  pensiun.

Sementara tu, busu Syamsie Juhrie salah seorang nya namai ke masa pensiun tu nyebut mun selawasan ngerjaikan tugas pastinya hak ada kekurangan, mun kekurangan tu diharapkan bisa dijadikan jadi bahan evaluasi supaya dibaik’i.

“Kami beharap ke kawan kawanan nya maseh masih aktif, kiranya kebaikan - kebaikan tuhak nya dilihat ngan dicontoh supaya dijadikan acuan kehadap ne,“ uje busu Syamsie. Acara diakhiri ngan mberikan cinderamata leh Sekda Kukar busu H. Marli  ke 7 urang nya namai ke masa pensiun.(HMS.DI.04)


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://prokom.kukarkab.go.id

STATISTIK KUNJUNGAN
Hari Ini198 pengunjung
Minggu Ini1.911 pengunjung
Bulan Ini6.381 pengunjung
Total Pengunjung110.264 pengunjung
Total Klik2.881.664 Kali