TENGGARONG - Wakil Bupati Kutai Kartanegara (Kukar)  busu Edi Damansyah, Senen (20/2) kemai, besilaturahmi ngan sida kelompok tani Sipatuwwo Sipatokkong, sekalian ndatangi syukuran  musim panen padi perdana tahun 2017 di lahan persawahan Gapoktan Handil Terusan Kecamatan Anggana. 

Wabup Kukar busu Edi Damansyah nyebut di usaha ningkatikan hasel pertanian di Kukar, pemerintah lewat sida Dinas Pertanian Kukar tdah mberikan tulungan tegak pupuk ngan bibit ke sida petani, selain tu jua usaha ningkatikan pengetahuan ngan ketrampilan sida petani di becocok tanam, sida pihaknya jua dah nurunkan Penyuluh Pertanian Lapangan (PPL) ke sida masing-masing kelompok tani. “Tulungan nya diberikan ngan nurunkan tenaga PPL, yahak salah satu bentuk dukungan lewat program pemerintah ke peningkatan hasel pertanian di Kukar,” uje leh busu Edi Damansyah. 

Ujenge lagi Handil Terusan ne yahk salah satu daerah penghasel beras di Kukar,sekalinya produksinya tu sanggup jua ndukung kebutuhan beras ntuk wilayah Kaltim. Makanya hak tu nya ngapresiasi ke kelompok tani Sipatuwwo Sipatokkong nya pas ngkan konsisten ntuk ngelola area persawahan  nya ada di Desa Handil Terusan. 

“Saya mintak supaya sida pengurus kelompok tani, terus molah pembinaan ke sida anggotanya masing-masing, ngan lamunya ada anggota kelompok nya berempu kemampuan  ngan keahlian nya lebeh, baiknya tu mentransformasikan ke anggota kelompok lainnya diusaha peningkatan keterampilan  teknis pengelolaan lahan,” ujenya busu Edi Damansyah lagi.(KP.04-medsi03)